Messi Kuitumikia Argentina kwa Mara ya Mwisho Katika Mchezo wa Benin
LIONEL Messi amejumuishwa kwenye kikosi cha timu ya taifa ya Argentina kwa ajili ya mchezo wa kirafiki dhidi ya Benin, utakaochezwa Oktoba 6, 2026 katika Uwanja wa Monumental jijini Buenos Aires.
Messi, ambaye alitangaza kustaafu soka la kimataifa mwezi uliopita, amepewa nafasi ya kuonekana tena akiwa amevalia jezi ya Argentina mbele ya mashabiki wa nyumbani. Shirikisho la Soka la Argentina (AFA) limethibitisha kuwa mchezo huo dhidi ya Benin utakuwa sehemu ya hafla ya kumuaga rasmi nahodha huyo.
Kocha Lionel Scaloni amemjumuisha Messi kwenye kikosi hicho, huku Rais wa AFA, Claudio Tapia, akieleza kuwa mwaliko huo unalenga kumpa Messi nafasi ya kupata burudani ya mwisho mbele ya mashabiki wa Argentina baada ya zaidi ya miaka 20 ya kuitumikia timu hiyo.
Mchezo huo tayari umepewa jina la “Last Dance” au “ngoma ya mwisho” na vyombo mbalimbali vya habari, ukitarajiwa kuwa moja ya nyakati za kihistoria katika safari ya Messi na Argentina.
Argentina pia imepangwa kucheza dhidi ya Bolivia Septemba 30 na Burkina Faso Oktoba 3, kabla ya kukutana na Benin Oktoba 6. Messi amethibitishwa kwa ajili ya mchezo wa mwisho dhidi ya Benin.
