Manchester City Yakutwa na Kosa la Ukiukaji wa Sheria za Kifedha za Premier League
Manchester City imepatikana na hatia ya ukiukaji mkubwa wa sheria za kifedha za Premier League katika kipindi cha misimu tisa, huku pia ikikabiliwa na makosa mengi yanayohusiana na kutoshirikiana kikamilifu na uchunguzi wa ligi.
Uamuzi huo umetolewa na Tume Huru iliyokuwa ikichunguza tuhuma dhidi ya klabu hiyo. Manchester City imepewa haki ya kukata rufaa dhidi ya uamuzi huo, huku ikitakiwa kuwasilisha ombi la rufaa ifikapo Ijumaa, Oktoba 2.
Kwa mujibu wa tume hiyo, ukiukaji huo ulihusisha kipindi cha kuanzia msimu wa 2009/10 hadi 2017/18.
Miongoni mwa mambo yaliyobainishwa ni kwamba:
- Manchester City ilihusishwa na mikataba iliyotajwa kuwa “sham contracts”, ambayo haikuakisi makubaliano halisi kati ya klabu na baadhi ya washirika wake wa kibiashara. Mikataba hiyo ilidaiwa kuongeza mapato ya klabu kwa njia isiyo halisi na kupunguza gharama zilizoripotiwa.
- Klabu iliwasilisha taarifa za kifedha zisizo sahihi na kuficha hali halisi ya fedha zake kwa wakaguzi wa hesabu na mamlaka za soka.
- Manchester City ilikiuka kwa kiwango kikubwa mipaka ya matumizi ya fedha iliyowekwa na Premier League na UEFA.
- Wakati wa uchunguzi wa Premier League, klabu hiyo ilipatikana kukiuka mara kadhaa wajibu wake wa kushirikiana na ligi na kutenda kwa nia njema. Kati ya tuhuma nne zilizowasilishwa kuhusu suala hilo, tatu zilikubaliwa na tume.
Premier League imesema inalenga kuhakikisha mchakato mzima, ukiwemo uwezekano wa rufaa na kuchapishwa kwa maamuzi husika, unakamilika haraka iwezekanavyo.
Kwa sasa, Manchester City ina nafasi ya kutumia haki yake ya kukata rufaa dhidi ya findings za Tume Huru kabla ya muda uliowekwa kuisha.
