Cristiano Ronaldo Akaribia Kuaga Timu ya Taifa ya Ureno Baada ya Miaka 23
Safari ya miaka 23 ya Cristiano Ronaldo ndani ya timu ya taifa ya Ureno sasa inaonekana kuelekea ukingoni, baada ya dada yake, Katia Aveiro, kuthibitisha kuwa Kombe la Dunia 2026 litakuwa mashindano yake ya mwisho kimataifa.
Akizungumza kupitia kituo cha SportTV, Katia amesema kuwa michuano hiyo itakuwa “Ngoma ya Mwisho” (The Last Dance) kwa nahodha huyo wa Ureno ambaye ameandika historia kubwa ndani ya soka duniani.
Kauli hiyo imezua hisia kubwa kwa mashabiki wa soka duniani, hasa ikizingatiwa mchango mkubwa wa Ronaldo kwa taifa lake kwa zaidi ya miongo miwili.
Taarifa hizo zilikuja saa chache kabla ya Ureno kushuka dimbani kuikabili Croatia katika mchezo wa hatua ya 32 bora ya Kombe la Dunia.
Katika pambano hilo lililokuwa na ushindani mkubwa, Ureno ilifanikiwa kuibuka na ushindi wa mabao 2-1, huku Ronaldo akifunga bao muhimu kwa njia ya penalti na kusaidia timu yake kufuzu hatua ya 16 bora.
Baada ya ushindi huo, sasa Ureno itakutana na Hispania katika moja ya mechi zinazotarajiwa kuvuta hisia kubwa kwenye mashindano hayo.
