Makachero wanasa heroini, dawa zingine katika operesheni Pwani
Polisi wamenasa aina kadhaa za dawa za kulevya katika operesheni huko Pwani.
Kulingana na taarifa ya Kurugenzi ya Uchunguzi wa Makosa ya Jinai, dawa za kulevya ambazo ni pamoja na heroin, bangi, na Diazepam miongoni mwa zingine zilinaswa katika msako huo.
Diazepam hutumiwa kwa kawaida kutibu matatizo ya wasiwasi na kuondoa sumu mwilini, mshtuko wa moyo wa mara kwa mara, mshtuko mkali wa misuli, na unyogovu unaohusishwa na shida za neva.
Operesheni hiyo ya siku nne ambayo imekamilika iliendeshwa na timu ya wakala mbalimbali ya wasimamizi wa sheria wakisaidiwa na mashirika mengine ya serikali na yasiyo ya kiserikali na inayofanya kazi chini ya Operesheni Usalama – mkoa wa Pwani.
Operesheni hiyo ililenga mashimo ya dawa za kulevya katika maeneo ya Kengeleni, Magodoroni na Shanzu, Kisumu ndogo, Sea breeze ndani ya mji wa Malindi na eneo la Timboni huko Watamu.
Tarifa ya ujasusi ilisema washukiwa kadhaa akiwemo mtoto mdogo na afisa wa jeshi walikamatwa wakati wa operesheni hiyo.
Wakati wa operesheni hiyo, timu hiyo ilitembelea maduka kadhaa katika mapambano dhidi ya bidhaa ghushi, ambapo msako ulifanyika na nguo za michezo zinazoshukiwa kuwa ghushi kupatikana.
Jumla ya vipande 231 vya nguo za aina mbalimbali zinazoshukiwa kuwa ghushi zilipatikana katika maduka yaliyotembelewa.
