Tuchel: Hakuna Anayetaka Kucheza Mechi ya Nafasi ya Tatu

Kocha mkuu wa timu ya taifa ya England, Thomas Tuchel, amesema wachezaji wake walitamani kufuzu hadi fainali ya Kombe la Dunia badala ya kucheza mechi ya kuwania nafasi ya tatu dhidi ya Ufaransa.

Akizungumza baada ya England kushindwa kufuzu fainali, Tuchel alisema ni kawaida kwa wachezaji kuhisi kukatishwa tamaa kwa kuwa lengo lao kuu lilikuwa kupigania ubingwa wa dunia.

“Hakuna mchezaji wetu, wala mchezaji yeyote wa Ufaransa, anayetaka kucheza mechi ya mshindi wa tatu. Wote walitaka kucheza fainali. Tulitoa kila kitu tulichokuwa nacho ili kufika huko, lakini ndivyo mambo yalivyo,” alisema Tuchel.

Licha ya hali hiyo, kocha huyo amesisitiza kuwa England itaiheshimu mechi hiyo na kuingia uwanjani ikiwa na dhamira ya kutoa kiwango bora.

“Tuna siku moja ya kupumzika na kurejea katika hali nzuri ya kimwili ukilinganisha na Ufaransa, lakini tutaikabili mechi hii kwa weledi mkubwa,” aliongeza.

England na Ufaransa sasa zitachuana kuwania nafasi ya tatu, huku kila timu ikitarajia kumaliza mashindano kwa ushindi baada ya kukosa tiketi ya kucheza fainali.