Kamishna wa kaunti ya Lamu Louis Ronoh amefariki
Kamishna wa kaunti ya Lamu Louis Kipngetich Ronoh amefariki. Kifo chake kilitangazwa na Maafisa wa Kitaifa wa Utawala wa Serikali (NGAOs) katika taarifa Alhamisi jioni.
“Jioni ya leo, tunajipata katika hali ya huzuni tunapomkumbuka Louis Kipngetich Ronoh, Kamishna wa Kaunti ya Lamu, ambaye ameondoka kwa huzuni kufuatia kuugua kwa muda mfupi.”
Taarifa hiyo ilisema Ronoh alihudumu kama Afisa Tawala wa Serikali ya Kitaifa hadi kifo chake kwa miaka 27 ya maisha yake.
“Kupandishwa cheo kwake hivi majuzi hadi kuwa Kamishna wa Kaunti mnamo Machi 16, 2023, ilikuwa dhihirisho la utumishi wake wa kielelezo na kujitolea kwake. Tunatuma rambirambi zetu za dhati kwa familia ya Ronoh, jamaa na marafiki katika kipindi hiki kigumu,” iliongeza taarifa hiyo.
Katibu Mkuu wa Wizara ya Mambo ya Ndani Raymond Omollo aliomboleza kifo cha Ronoh na kumtaja kama afisa mwenye bidii.
“Ni kwa huzuni kubwa kwamba nimefahamu kuhusu kifo cha Louis Kipngetich Ronoh, baada ya kuugua kwa muda mfupi,” alisema. “Akiwa na uzoefu wa zaidi ya miaka 27, marehemu Ronoh atakumbukwa kwa kujitolea kwake katika kuwatumikia wengine na nchi. Mawazo na sala zetu ziko pamoja na familia yake na marafiki,” Omollo aliongeza.
Ronoh alikuwa miongoni mwa manaibu makamishna 12 ambao walipandishwa vyeo kuwa makamishna wa kaunti mnamo Machi 7, 2023 na Waziri wa Usalama wa Ndani Kithure Kindiki. Waziri huyo alitoa tangazo hilo alipofanya mabadiliko makubwa ya makamishna wa kaunti katika hatua ambayo alisema ililenga kuimarisha utoaji wa huduma katika utawala wa kitaifa.
