Kenya Airways Yamkaribisha Shujaa Sabastian Sawe kwa Heshima Kubwa Baada ya Kuvunja Rekodi ya Dunia
Shirika la ndege la Kenya Airways limeandaa mapokezi ya kipekee kwa mwanariadha nyota wa Kenya, Sabastian Sawe, aliyeweka historia kwa kuwa mtu wa kwanza kukimbia marathon chini ya saa mbili katika mashindano rasmi yanayotambuliwa kimataifa.
Sawe aliandika historia hiyo Aprili 26, 2026 baada ya kushinda London Marathon kwa muda wa saa 1:59:30, akivunja rekodi ya awali ya saa 2:00:35 iliyowekwa na marehemu Kelvin Kiptum mwaka 2023.
Bingwa huyo alisafirishwa kurejea nyumbani na ndege ya Kenya Airways iliyotua katika Uwanja wa Ndege wa Kimataifa wa Jomo Kenyatta (JKIA), ambako alipokelewa kwa saluti ya maji—ishara maalum ya heshima inayotolewa kwa mafanikio makubwa ya kitaifa.
Katika taarifa yake, Kenya Airways ilieleza kuwa ilikuwa ni fahari kubwa kumsafirisha nyumbani Sawe, ikimtaja kama “fahari ya Afrika.” Wakenya nao walijitokeza kwa wingi kumpokea kwa shangwe na fahari, wakisherehekea ushindi wake wa kihistoria uliolitangaza taifa kimataifa.
