“Finale Yavunja Rekodi: Bien Aelezea Mafanikio Makubwa Zaidi”
Bien amefunguka na kueleza kuwa wimbo wake wa “Finale”, aliomshirikisha Alikiba, umeweka rekodi mpya katika safari yake ya muziki tangu aanze kujitegemea kama msanii. Kwa mujibu wake, huu ndio wimbo uliopokelewa kwa mafanikio makubwa zaidi, ukivutia mashabiki wengi na kupata mwitikio chanya kwenye majukwaa mbalimbali ya muziki.
Amesema mafanikio hayo yamempa motisha zaidi kuendelea kusukuma kazi zake binafsi na kujiamini katika mwelekeo aliouchukua wa kujitegemea. Aidha, Bien hakusita kutoa shukrani zake za dhati kwa Alikiba kwa kukubali kushirikiana naye, akisema mchango wake umeongeza uzito na ubora wa wimbo huo.
“Hu ni wimbo wangu uliopokelewa kwa mafanikio makubwa zaidi tangu nianze kujitegemea kama msanii. Namshukuru sana Ally kwa kushirikiana nami na kusaidia kuufanya uwe mkubwa zaidi,” alisema Bien, akionyesha furaha na matumaini ya kufanya kazi nyingine kubwa zaidi siku zijazo.
