WAENDESHA BODABODA TAVETA WAANDAMANA KUDAI HAKI KWA MAREHEMU MWADIME

Madereva wa bodaboda mjini Taveta wamefanya maandamano ya amani wakitaka haki itendeke kufuatia mauaji ya marehemu Mwadime, aliyeuawa takriban wiki tatu zilizopita.

Waandamanaji hao waliwataka maafisa wa upelelezi kutoka Idara ya Upelelezi wa Makosa ya Jinai (DCI) kuharakisha uchunguzi na kuhakikisha waliohusika na mauaji hayo wanafikishwa mbele ya sheria.

Baada ya maandamano hayo, madereva hao walikubaliana kuwapa maafisa wa DCI muda zaidi kukamilisha uchunguzi na kuwakamata washukiwa wa mauaji hayo.

Aidha, madereva hao wamepongeza jinsi maafisa wa polisi na Naibu Kamishna wa Kaunti (DCC) walivyoshughulikia waandamanaji katika kituo cha polisi, kwa kuwapa nafasi ya kueleza malalamishi na kutoa maoni yao kwa amani.

Madereva hao sasa wanasubiri hatua zaidi katika uchunguzi huo huku wakisisitiza umuhimu wa haki kutendeka kwa marehemu Mwadime.