Mahakama yaamuru marubani kurejea kazini Jumatano
Mahakama Jumanne iliamuru warubani waliogoma wa shirika la ndege la KQ kurejea kazini siku ya Jumatano huku mazungumzo kati ya chama chao na Kenya Airways yakiendelea.
Jaji wa Mahakama ya Ajira na Mahusiano ya Kazi ya Nairobi Anna Mwaure alitoa maagizo hayo baada ya juhudi zisizozaa matunda kuruhusu marubani hao kukubaliana na shirika la ndege la Kenya Airways kuhusu fomula ya muda ya kurejea kazini.
Jaji wa mahakama aliamuru kwamba shirika la ndege la Kenya Airways liwaruhusu marubani hao kutekeleza majukumu yao bila kushurutishwa au vitisho, hasa bila kuwachukulia hatua zozote za kinidhamu dhidi ya yeyote kati yao hadi kesi hiyo isikizwe na kuamuliwa.
Jaji Ann Mwaure: Ni haki yenu kujibu lakini tukiwapa siku 7, nini kitatokea kwa KQ? Watu wamekwama. Kwenda jela sio suluhu. Kabla sijatoa hukumu yangu, mnaweza kutii amri ya mahakama na kurejea kazini?
