Msanii Maarufu Wa Bongo Rayvanny Achoma Gari Lake Katika Video Yake Mpya Ya Te Quiero Akimshirikisha Mario
Mwanamziki wa Bongo, Raymond Shaban Mwakyusa, maarufu kwa jina la kisanii Rayvanny, aliteketeza moja ya magari yake wakati akitoa video ya wimbo wake maarufu, Te Quiero aliomshirikisha Mario.
Akitumia mtandao wa kijamii, Rayavanni alisema kuwa anajivunia sana kazi ambayo mkurugenzi wake aliifanya lakini bado anaumizwa na ukweli kwamba walilazimika kuchoma gari la bei ghali.
“Najua ni uhalisia lakini hakuna tukio ambalo liliniumiza zaidi kama eneo ambalo tulichoma gari,” alisema.
Alisema kuwa video ya ‘Te Quiero’ ilikuwa na matukio kadhaa ya gharama na moja ni pamoja na tukio walilopiga wakiwa ndani ya ndege.
