Wanamziki Wamuomboleza Promota Musa Babaz
Wanamziki wa East Afrika wanaendelea kutuma risala za rambi rambi kwa familia ya Promota wa Muziki Musa Babaz ambaye aliaga dunia siku ya jana.
Musa alitambulika kama mwekezaji tajika wa mziki kabla ya kuaga dunia hapo jana
Wasanii kutoka Tanzania, Uganda na humu nchini Kenya wakiwemo Aslay, Beka Flavour, wamemtaja Babaz kama mshikadau wa mziki aliyekuwa anasaidia wanamziki bila ubaguzi wowote.
Babaz amewahi kuwashika mkono kimziki wasanii kibao kama vile SUSUMILA, Chikuzee_kenya, Stamina na wengine kibao.
Mtangazaji Willy M Tuva alimtaja promota huyo kama mtu aliyekuwa na mchango mkubwa sana katika tasnia ya burudani
Babaz aliaga dunia siku ya jana katika hospitali moja jijini Mombasa akipokea matibabu na anatarajiwa kustiriwa hii leo.
