Mameneja tisa wa Kenya Power sasa watazuiliwa kwa siku nane ili kuruhusu polisi kukamilisha uchunguzi wao kuhusu madai ya hujuma.
Washukiwa hao walikamatwa siku ya Jumanne kuhusiana na madai ya kuhujumu usambazaji wa umeme ambao uliathiri sehemu nyingi kwa siku mbili mfululizo wiki iliyopita.
Kulingana na Mkurugenzi wa Upelelezi wa Makosa ya Jinai (DCI) George Kinoti, maafisa hao walishtakiwa kwa jukumu la kupata njia za umeme wa juu na usafirishaji kutoka gridi ya taifa.
Mnamo Januari 14, DCI iliwahoji maafisa 18, miongoni mwao mameneja wakuu 5, kuhusu kuporomoka kwa minara minne kwenye njia ya umeme Kiambere Nairobi.
Tukio hilo la kukatika kwa umeme lililotokea Januari 11 lilikuwa la tatu kutokea nchini Kenya katika kipindi cha miaka minne iliyopita.
