Waziri Machogu Avunja Bodi Ya Shule Ya Mukumu Girls Na Kumwamisha Mwalimu Mkuu

Waziri wa Elimu Ezekiel Machogu amemhamisha Mwalimu Mkuu wa Mukumu Girl, Frida Ndolo na kumteua Jane Mmbone kuwa mkuu wa shule.

Waziri huyo pia amevunja bodi ya usimamizi wa shule hiyo kufuatia mkurupuko wa ugonjwa katika shule hiyo ambao kufikia sasa umesababisha vifo vya wanafunzi watatu na mwalimu mmoja.

Waziri huyo alifanya mabadiliko hayo alipozuru shule hiyo siku ya Jumamosi kutathmini hali ilivyo.

Siku ya Ijumaa, Mkurugenzi Mkuu wa Afya, Patrick Amoth, alisema chakula kilichotumiwa na wanafunzi kilikuwa na kinyesi cha binadamu.

“Wizara inapenda kuutaarifu umma kwa ujumla kuwa ugonjwa huu huenda ukawa ni mchanganyiko wa E. coli na Salmonella typhi ambao kwa kawaida hutokea iwapo vyanzo vya maji vimechafuliwa na viumbe hao wadogo,” alisema katika taarifa yake.

Escherichia coli (E. coli) ni bakteria inayopatikana kwa kawaida kwenye utumbo wa chini wa viumbe wenye damu joto ambao wanaweza kusababisha sumu ya chakula.

Salmonella enterica typhi ni bakteria ambayo huleta homa ya matumbo.

Amoth alisema kuwa uchambuzi zaidi wa maabara uliofanywa kwenye nafaka na kunde ulirejesha matokeo mabaya ya aflatoxicosis.

“Wizara inafanya uchambuzi zaidi juu ya sampuli hizi ili kubaini sababu nyingine yoyote ya ugonjwa huu, na itawasilisha matokeo ya vipimo hivi.”