Mwanaume Aanguka na Kufa kwenye Mkahawa Mombasa
Mnamo siku ya Alhamisi, Novemba 10, kando ya barabara ya Digo, mkahawa mmoja mjini Mombasa uligeuka mahame baada ya mwanamume mmoja kufariki kwa njia isiyoeleweka muda mfupi baada ya kuagiza chakula.
Maafisa wa polisi waliokimbia hadi katika jengo la biashara walipata wateja wachache kwenye mgahawa ambao ulikuwa na shughuli nyingi baada ya wengi kutoroka eneo hilo. Walioshuhudia waliambia maafisa hao kwamba mteja huyo, mwanamume wa makamo, alipoteza fahamu alipokuwa akisubiri chakula chake.
Wapelelezi kutoka Idara ya Upelelezi wa Makosa ya Jinai (DCI) kitengo cha mauaji kwa sasa wanashughulikia eneo la tukio. Mwili wa mwathiriwa ulisafirishwa hadi katika Chumba cha Maiti cha Mafunzo na Rufaa cha Mkoa wa Pwani.
Umati uliokuwa umezunguka eneo la tukio ulisisitiza kuwa mwanamume huyo alikuwa akikabiliwa na njaa na kuitaka serikali kushughulikia gharama ya kuongezwa kwa chakula hasa unga wa mahindi.
