Askofu Jackson Ole Sapit aikosoa serikali kwa kupanda kwa gharama ya maisha.
Askofu mkuu Jackson Ole Sapit ameitaka serikali kuweka mikakati upya ya utekelezaji wa ahadi walizozitoa katika kipindi cha kampeni huku akisema kuwa ni wakati sasa wa kuwa na uhalisia wa kile kinachoweza kufikiwa.
“Walitoa ahadi nyingi wakati huo na tulijua nyingi hazikuwa za kweli. Ukifuata ahadi za Azimio na Kenya Kwanza wakati huo, ilikuwa kama yeyote atakayeshinda ifikapo Oktoba, Kenya ilionekana kuwa mbinguni kidogo kwa sababu ahadi zilifanya ionekane kama kila kitu kimepangwa,” alisema.
Sapit anasema serikali inapaswa sasa kuzingatia kuweka kipaumbele ni ahadi gani wanaweza kutoa na kusukuma zile ambazo hawawezi.
“Ikiwa tutajaribu kushinikiza kufikia kile tulichoahidi na tunajua kwamba hatuna chochote cha kutekeleza ahadi, basi utavunja migongo ya kila mtu. Utavunjika mgongo ukijitahidi kutengeneza kitu ambacho unajua hakiwezi kutokea, “alisema.
