Afueni kwa Seneta Mungatana baada ya Mahakama kutoa muelekeo w Kesi ya Ksh76 Milioni
Afueni kwa Seneta wa Tana River Danson Mungatana baada ya mahakama kutoa muelekeo wa kesi ambapo alikuwa ameshtaki raia wa Chad kwa kumtapeli Ksh76 milioni. Mahakama ya Jinai iliyoketi Nairobi iliamua kwamba mshtakiwa ako na kesi ya kujibu.
Mnamo Jumanne, mahakama iliamua kwamba kuna uwezekano kwamba raia huyo wa Chad alimlaghai Mungatana Ksh76 milioni katika mkataba wa mafuta ghushi.
Kulingana na Seneta wa Tana River, mganga huyo alidaiwa kujipatia dola za Marekani 1,000,000 (kama Ksh76 milioni wakati huo) kutoka kwa Mungatana, akijifanya kuwa na uwezo wa kuziwekeza katika sekta ya mafuta, jambo ambalo alijua kuwa si kweli. “Nilifurahi sana nilipoambiwa kulikuwa na fursa nyingine ya kuwekeza Ksh5 milioni. Nilitafuta pesa kutoka kwa marafiki na jamaa wakiwemo ndugu zangu.
“Baada ya miezi sita, alinirudishia Ksh 10 milioni. Sikuwahi kushuku kuwa itaenda vibaya kwa sababu mshitakiwa anakuhamasisha kwa kujiamini. Ukienda kwake utaona. magari mengi,” Seneta aliambia mahakama.
Mungatana aliambia mahakama kuwa mgeni huyo alimlaghai pesa nyingi baada ya kuuza mali yake yote katika mkataba wa uwekezaji.
Katika ushahidi wake wa hisia siku ya Alhamisi, Oktoba 6, 2022, Mungatana alitoa maelezo mbele ya Hakimu Mkuu wa Milimani Ben Mark Ekhubi, akidai kuwa mganga huyo aliahidi kumuongezea pesa maradufu.
Seneta wa Tana River alimweleza Hakimu kwamba mganga huyo wa mitishamba kutoka Chad alitambulishwa kwake na rafiki yake. Awali alimwomba uwekezaji wa awali wa Ksh500,000, ambao aliuongeza maradufu kama alivyoahidi. Mungatana alibainisha kuwa uwekezaji wa pili wa Ksh5milioni pia ulitoa Ksh10 milioni baada ya miezi sita.
“Alinipigia simu kibinafsi, miezi michache baadaye, na kuniambia nisilete pesa ndogo. Nilimpa dola za kimarekani milioni moja. Wakati huo, kiwango cha ubadilishaji kilikuwa 76,” Mungatana aliarifu mahakama.
