SIMBA YAMFUKUZA KAZI KOCHA ROBERTINHO, KISA 5G ZA YANGA SC
Klabu ya ligi kuu ya soka nchini Tanzania, Simba SC, imemtimua kocha wake Mbrazil Roberto Oliveira Goncalves Do Carmo (Robetinho) siku mbili tu baada ya kupokea kichapo cha Yanga.
Kuachishwa kwa kocha huyo kunajiri baada ya debi ya kariakoo kukamilika kwa ushindi wa Yanga wa magoli matano dhidi ya watani wao wa jadi, Simba, katika Uwanja wa Benjamin Mkapa, Dar es Salaam.
Simba SC pia imetangaza kuachana na Kocha wa Viungo, Corneille Hategekimana
Mchakato wa kutafuta Makocha wapya umeanza na unatarajiwa kukamilika hivi punde.
Robertinho alitua Simba kutoka Vipers SC ya Uganda maarufu Venoms, Januari mwaka huu na kuiwezesha kutwaa Ngao ya Jamii 2023 na kutia saini mkataba wa miaka miwili mnamo Januari 3, 2023, ikiwa ni katikati ya msimu na kufanikiwa kuiongoza timu ikiwa imesalia na mechi 11 za ligi.
