AFRICA KUSINI : Matumaini ya Kufuzu Kombe la Dunia yafifia baada ya FIFA kuinyang’anya alama 3 na kuizawadi Lesotho
Matumaini ya Afrika Kusini kufuzu kwa Kombe la Dunia la FIFA 2026 yamepata pigo kubwa baada ya shirikisho la soka duniani, FIFA, kuiondolea alama timu hiyo kwa kumchezesha mchezaji asiyestahili katika mechi ya kufuzu dhidi ya Lesotho.
Siku ya Jumatatu, kamati ya nidhamu ya FIFA ilibatilisha ushindi wa 2-0 wa Bafana Bafana kuanzia Machi, ikiamua kuwa kiungo Teboho Mokoena hakupaswa kucheza kwa kuwa alikuwa akitumikia adhabu.
Lesotho walikuwa wamewasilisha malalamiko rasmi baada ya Mokoena kushiriki katika mechi hiyo. Wakati huo, maafisa wa chama cha soka nchini humo walisema wanataka tu FIFA kuzingatia sheria zake.
FIFA sasa imeipa Lesotho ushindi wa mabao 3-0, ikatoza Shirikisho la Soka la Afrika Kusini (SAFA) faini 10,000 za Uswizi (kama Ksh1.6 milioni), na kumpa Mokoena onyo rasmi.
Uamuzi huo umebadilisha msimamo wa Kundi C la kufuzu kwa Afrika. Afrika Kusini, iliyokuwa ikiongoza, imeshuka hadi ya pili kwa tofauti ya mabao nyuma ya Benin.
